തലപ്പുഴ: മുനീശ്വരം കുന്നിന് സമീപം കെ.കെ. ഗ്രൂപ്പിന്റെ ഉടമസ്ഥതയിലുള്ള തോട്ടത്തിൽ തീപിടുത്തം. തോട്ടത്തിലെ 15 ഏക്കറോളം ഭൂമിയിലെ അടിക്കാടുകളാണ് അഗ്നിബാധയിൽ കത്തിനശിച്ചത്. ഇന്ന് രാവിലെ പത്ത് മണിയോടെ തീപിടുത്തമുണ്ടായത്. മാനന്തവാടിയിൽ നിന്നും രണ്ട് യൂണിറ്റ് അഗ്നിരക്ഷാ സേന സ്ഥലത്തെത്തിയാണ് തീ അണച്ചത്. ഇവരുടെ സമയോചിതമായ ഇടപെടലാണ് സമീപത്തെ വീടുകളിലേക്കും തേയില തോട്ടത്തിലേക്കും പടരാതെ നിയന്ത്രണവിധേയമാക്കിയത്. സ്റ്റേഷൻ ഓഫീസർ നിധീഷ് കുമാർ, അസിസ്റ്റന്റ് സ്റ്റേഷൻ ഓഫീസർ സെബാസ്റ്റ്യൻ ജോസഫ്, ഫയർ ആൻഡ് റെസ്ക്യൂ ഓഫീസർമാരായ വിനോദ് വി.പി., ശശി കെ.ജി., സനൂപ്, സുജിത് എം.എസ്., ബിനീഷ് ബേബി, ആദർശ് ജോസഫ്, അമൃതേഷ് വി.ഡി. എന്നിവർ ചേർന്നാണ് തീ അണച്ചത്.
